前港姐袁弥明荣升上市公司主席，坐拥7亿身家！买内衣冧夫

37岁前港姐、人民力量前主席袁弥明（Erica），今年2月攀升为上市公司主席！佢创办嘅弥明生活百货（8473）上月喺创业板挂牌，股价持续飙升，截至周四（3月1日）收市价0.81元，公司市值9亿，Erica持股75%，身家跳升至逾6.8亿元。新任主席于新春其间偕夫蜜游后返港，见人妻淡妆行逛时代广场买咗两盒海胆医肚。是日亮点系Erica手挽一袋意大利高级内衣，唔通人妻打算忙碌过后，同丈夫林雨阳增进吓闺房乐？！

袁弥明05年参选港姐，仅得个猪肉奖「旅游大使」奖，同届冠军系依家做咗幸福妈妈嘅叶翠翠，亚季分别系陆诗韵和林莉。两年后，佢和无线决裂，接吓水着job，又开始喺YouTube拍美容片教化妆、护肤，09年转型开办袁弥明生活百货，专卖自己亲身试过嘅美容产品。进击嘅Erica亦由商界跳入政界， 加入政党「人民力量」同参选立法会议员后，就一改穿衣风格，套装上阵力sell专业形象。16年9月，佢辞去人民力量主席一职，唔知系咪为做女强人铺路呢！之后舖头愈开愈多，至今有9间分店。身兼公司主席及行政总裁嘅袁弥明于上市日仲透露希望三年内开多5间分店口添！

连开5间店

农历新年后，Erica只股表现向好，较招股价0.27元升两倍，本周四收市价0.81，袁弥明持股75%或8.4亿股计，身家狂飙至6.8亿元。犀利人妻日前同丈夫外游度岁后返港，独自往铜锣湾时代广场city'super买寿司。戴帽嘅低调人妻手挽Hermes garden party手袋，买咗袋意大利高级品牌LA PERLA内衣，然后喺超市拣生虾寿司和两盒海胆。之后，Erica连人带车仔捐入去快速排队畀钱，再上地面等架红色Tesla嚟接载返家。